Tuis | Maretha Blog

Klik 'n Blog oop: Kombuiskoningin

MARETHA, MAARTENS

Kombuiskoningin-kompetisie

Met geldpryse van R35 000, R25 000 en R15 000

Vir die heel eerste keer kan jou huishulp of die beste kok in jou gastehuis, restaurant of tuisnywerheid deelneem aan ‘n wonderlike kompetisie:

Die ‘QUEEN OF THE KITCHEN’ KOMPETISIE..

Anton Barkhuizen van Extatic, wat die kompetisie organiseer, skryf só oor dié kompetisie waarvoor aansoeke tot en met 22 Desember 2016 ingewag word:

Kombuishulpe van regoor die land is welkom om deel te neem aan die ‘Queen of the Kitchen’ kompetisie wat poog om bewustheid te skep oor die belangrike rol wat kombuishulpe binne huishoudings en besighede (gastehuise, tuisnywerhede en restaurante) in Suid-Afrika vervul.

Groot pryse vir deelnemers en reklame-geleenthede vir die borge is op die spel!

INSKRYWING & BEOORDELINGS-PROSES

Persone wat in besit is van ’n geldige Suid-Afrikaanse identiteitsdokument of wat ’n burger van ’n ander land is maar wat oor permanente verblyfreg in Suid-Afrika beskik, sal ook toegelaat word om aan die kompetisie deel te neem.

Tydperk:

• Die tydperk van die kompetisie strek van 15 Julie 2016 tot 31 Maart 2017.

• Die kompetisie inskrywings het amptelik op 15 Julie 2016 geopen.

• Die sluitingsdatum vir aansoeke is 22 Desember 2016.

• Geen laat inskrywings sal aanvaar word nie.

PRYSE OP DIE SPEL - BELONING

Die mees talentvolle deelnemers sal met buitengewone pryse weg stap. Wenners word aangewys in 3 kategorieë, naamlik die algehele wenner, sowel as ’n eerste en tweede naaswenner.

Die totale waarde van die onderskeie pryse waarvoor meegeding word, is soos volg:

†	Algehele wenner van die titel: ‘QUEEN OF THE KITCHEN’	R 35 000
†	1^ste Naaswenner	R 25 000
†	2^deNaaswenner	R 15 000

VYF VRAE OP PAD NA ROEM

Om jou huishulp of kok in te skryf, moet jy vyf vrae beantwoord:

VRAAG 1: KAMERAADSKAP : GELUK EN WEDERSYDSE RESPEK, LOJALITEIT

EN TOEWYDING VAN DIE WERKER AAN DIE WERKGEWER

Die werkgewer besit dikwels die sleutel om die werknemer se potensiaal te ontsluit. Wat maak hierdie spesifieke werknemer se lojaliteit en dienstrots teenoor die werkgewer so uniek?

Gee ’n kort beskrywing van die unieke verskil wat die kombuis-hulp of kok se passie, dinamika en mens-wees maak om ’n verskil te maak in die lewens van diegene aan wie sy haar vaardighede lewer? (Beskryf kortliks jul sukses-verhouding en gee voorbeelde ter illustrasie van haar toewyding en ondersteuning aan haar werkgewer).

VRAAG 2:

DIE HUISHOUDSTER SE DRYFKRAG & BETROUBAARHEID

’n Betroubare kombuis-hulp of kok kan veral onder druk raakvat en dinge gedoen kry. Sy is ’n ware staatmaker wat bereid om die ekstra myl te loop. Beskryf deur voorbeelde te gee waarom die werknemer iemand is om op staat te maak deur haar vindingrykheid aan die dag te lê as dinge druk gaan bv. as onverwagte gaste/kliente opdaag en sy binne ’n kort tydsbestek take moes uitvoer? (Beskryf kortliks haar dryfkrag).

VRAAG 3:

HAAR ENTOESIASME EN DEURSETTINGSVERMOË

Wat was die mees uitdagende situasie wat die kombuis-hulp of kok (ontluikende sjef) in haar beroep ondervind het, maar op die ou einde suksesvol voltooi het? (Beskryf kortliks haar suksesstorie).

VRAAG 4:

KOMBUIS-HULP SE SPYSENIERINGS VAARDIGHEDE :

Kosmaak is die hartklop van ’n gesonde en gelukkige huishouding of kliente basis. Motiveer met voorbeelde hoe vindingryk die werknemer te werk gaan, veral in onverwagte situasies, om gesonde en lekker disse op ekonomiese wyse aan die familie/kliente voor te sit of waar sy betrokke is met die kook/verwerking van kosprodukte. (Beskryf kortliks haar unieke kosmaakvermoëns en kreatiwiteit).

VRAAG 5:

LIEFDE EN INSPIRASIE VIR KOSMAAK

Die skep van uitsonderlike kosdisse vereis ’n afgeronde vaardigheid, (finesse) nie net om die dis voor te berei nie, maar ook om dit op stylvolle voor te sit.

Elke kosmaker het ’n eie unieke dis, wat niemand anders hom/haar kan nadoen nie. Gee ’n kort beskrywing van die kombuis-hulp se gunsteling-resep en motiveer wat dit so treffend maak as sy dit aan gaste voorsit (Beskryf kortliks haar resep-samestelling en gee motivering).

Maklik, nè?

En so werk die inskrywings- en beoordelingsproses:

BEOORDELINGSPROSES:

Beoordeling – datums van die geskeduleerde kompetisie-program is soos volg:

FASE 1:

23 Desember 2016

Inskrywing – Evaluering:

• Alle inskrywings wat ontvang is, sal tot en met 23 Desember 2016 geproseseer en geevalueer word.

’n Paneel deskundiges sal die inskrywings beoordeel en die Top 100 kandidate aanwys.
Die Top 100 kandidate sal in kennis gestel word dat hulle deurdring na die semi-finale rondte.
Met die aankondiging van die Top 25 finaliste op 24 Desember 2016, sal die genomineerde semi-finaliste ’n week gegun word om hulself voor te berei vir die finale rondte wat van 27-30 Maart 2017 in Tshwane gehou sal word.
Indien kandidate teen 24 Desember 2016 nog niks van een van ons personeellede gehoor het nie – hetsy telefonies of via e-pos – was jou inskrywing ongelukkig nie suksesvol nie.

FASE 2:

11 Januarie - 15 Maart 2017

Oudisies - Tuis besoeke:

Persoonlike interaksie/evaluasie met die Top 100 kandidate. Die kandidate sal vir ’n onderhoud genooi word by ’n plek in die nabyheid is van hul werkplek.
Die persoonlike interaksie/oudisie sal plaasvind by ’n demonstrasie-punt so na as moontlik aan die huishoudster se werksadres of binne die werkgewer se kombuis, hoe ook al verkies word. As deel van die beoordelings-proses, sal deelnemers beoordeel word deur ’n paneel deskundiges op ’n breë vlak van huishoudelike take, insluitende kook en gasvryheid vermoëns.
Kandidate word beoordeel op grond van die aanbieding van ’n kooksessie.
Die Top 25 kandidate sal aanegwys word om deel te neem in die finale rondte van die kompetisie.
Met die aankondiging van die Top 25 finaliste op 16 Maart 2017, sal die aangewyste semi-finaliste ’n week kans gegee word om hulself vir die finale rondte voor te berei wat van 27-30 Maart 2017, in Tshwane aangebied word.

FASE 3:

27 - 30 Maart 2017

‘Grand-finale’ Stadium (strek oor 4 dae):

- Die ‘grand-finale’ week word gehou in Tshwane, Gauteng.

- Vier dae word toegewys vir die aksie-belaaide uitdaging met die skouspelagtige ‘grand-finale’ op dag vyf.

- Elke dag bied ’n nuwe uitdaging, waar bonus punte verwerf kan word deur besonderse deelname.

- In die finale opbou na die prys-uitdeling sal die beoordelingspaneel die Top 25 finaliste beoordeel op grond van voorafbepaalde kriteria.

- Finale beoordeling en bepalende stemming deur paneel.

FASE 4:

31 Maart 2017

Prysuitdelingseremonie: Gala-geleentheid

Die finale glans-geleentheid word gehou in Tshwane, Gauteng – waarheen uitgelese gaste en borge ook genooi word:

- Dit word verwag van alle Top 25 finaliste om die prysuitdelingsfunkie by te woon.

- By die gala-geleentheid sal die Top 25 deelnemers ’n finale geleentheid gebied word om die gehoor en beoordelaars te beindruk, waarna die wenners per kategorie aangekondig word.

- Aankondiging van die 3 hoof-wenners – die mees uitstaande deelnemers.

- Prysuitdelings seremonie – kroning van wenners en trofee oorhandiging.

- Betaling van prysgelde en geborgde geskenke aan wenners.

Die gala-geleentheid waar die wenners ook aangekondig word, sal ’n unieke geleentheid bied om die buitengewone waarde van die huishoudelike industrie en die daarstel van die huiskosbedryf, te belig.

Die glansgeleentheid sal ’n hoogtepunt wees op die kalender met eksklusiewe nasionale borge.Uitnodigings na die gala-geleentheid sal beperk word tot die belanghebbendes insluitende die media, uitgelese gaste en borge, sowel as die Top 25 finaliste, hul werkgewers en die paneel van beoordelaars. Die gala-funksie bied uitsonderlike geleentheid vir media dekking en publisiteit aan korporatiewe borge en die deelnemers.

ALLES WAT JY VERDER WIL WEET

• EXTATIC is die promotor van die kompetisie.

• Alle huishoudsters van die Republiek van Suid-Afrika, binne die grense van Gauteng Provinsie, met ’n geldige ID-dokument mag aan die kompetisie deelneem.

• Deelname aan die kompetisie veronderstel aanvaarding van die kompetisiereëls.

• Deur in te skryf vir die kompetisie stem die deelnemers in om al die nodige dokumentasie te verskaf ooreenkomstig die reëls van die kompetisie (dit sluit in ’n geldige ID-dokument en bevestiging van werksadres in Suid Afrika.

• Inskrywing vir die kompetitie open die 15^de Julie 2016.

• Die termes en voorwaardes vir die kompetisie is bindend vir alle deelnemers. Elke deelnemer aanvaar die terme en voorwaardes en onderrneem om hulle daaraan te onderwerp. Indien dit nie die geval is nie, sal die deelnemer gediskwalifiseer word en sal die kans om pryse en voordele in die proses te wen, verbeur word.

Die kompetisie sal deur EXTATIC in die openbare media op Facebook, Instagram, plakkate, elektroniese nuusbriewe, tydskrifte en via selfoon (SMS boodskappe).
Genomineerdes verklaar dat al die inligting wat verskaf word, korrek is. Indien dit nie die geval is nie, kan die kandidaat op grond daarvan gediskwalifiseer word.
Alle inligting kan in Engels of Afrikaans verskaf word.
Alle persoonlike inligting wat verskaf word sal as konfidensieel hanteer word, en sal slegs deur EXTATIC gebruik word. Deelnemers stem in om alle inligting rakende die aansoekproses vertroulik te hou en nie enige inligting met die publiek te deel nie.
EXTATIC aanvaar dat die inligting wat deur die kandidaat verskaf word deur EXTATIC gepubliseer mag word, maar sal nie verantwoordelik daarvoor gehou word indien die inligting gediskrediteer word deur ’n ander party nie.

• Behalwe andersins gespesifiseer of gewysig, is die sluitingsdatum vir die kompetisie op 22 Desember 2016. Geen aansoeke wat laat ontvang word, sal oorweeg word nie.

• Geen verantwoordelikheid word aanvaar vir inskrywings wat verlore gaan, beskadig word of vertraag word as gevolg van enige network, rekenaarhardeware of –sagteware wat om watter rede ook al nie werk nie. ’n Bewys van die stuur van ’n inskrywing word nie aanvaar as ’n bewys van ontvangs nie.

Die beoordeelaars se besluit oor die keuses of finaliste en die uiteindelike wenners is finaal en geen korrespondensie sal gevoer word nie.
Die prys-items of verkoopsbewyse mag nie verruil word vir kontant of enige ander produkte nie.
Die deelnemers en wenners moet beskikbaar wees vir die neem van fotos vir publisiteit doeleindes en gee hul toestemming vir die publikasie van hul name, besonderhede en fotos sonder vergoeding. Deur inskrywing en deelname aan die komeptisie, gee die deelnemers toestemming aan EXTATIC om hulle fotos op sosiale media soos Facebook en enige ander openbare media platform te gebruik, sowel in enige vorm van advertensie in die gedrukte en verfilmde media.
Datums en tydsraamwerke mag verander na gelang van die borge se versoeke en behoefste.
‘Grand-finale’ stadium (27-30 Maart 2017): Deurlopende teenwoordigheid van die Top 25 deelnemers is ’n vereiste gedurende die finale week met die hou van die kompetisie, sowel as by die prysoorhandigings-seremonie. Die kandidate moet beskikbaar wees vir die finale beoordeling in Gauteng wat strek van 27-30 Maart 2017, sowel as by die prysoorhandingseremonie (gala-funkise) wat op Vrydag 31 Maart 2017 in Tshwane gehou word.
As dit vir die finalis nie moontlik is om die ‘grand-finale’ rondte wat strek oor ’n vier dae periode nie by te woon nie – sal sy outomaties vervang word deur die volgende kandidaat in die ry.
As die huishoudster aangewys word as een van die finale Top 25 deelnemers, word dit verwag van haar om haar eie vervoer en akkommodasie reëlings te tref na/van die onderskeie kompetisie-punte in Gauteng.
Die promotor behou hom vir die duur van die kompetisie die reg voor om die reëls van die kompetisie te verander, sou dit nodig wees.
Deelname aan die kompetisie sal outomaties ’n aanduiding wees dat die deelnemer die neergelegte reëls van kompetisie verstaan en haarself onderwerp daaraan.

U kan die kompetsie op Facebook volg, deur die volgende skakel te koppel: www.facebook.com/Queen-of-the-Kitchen-157151294694669/

Ons wil inskryf!

Die papierwerk kan ge-epos word na extatic@ccmail.co.za. Die laaste bladsy kan onderteken word deur die aansoeker (kandidaat) asook haar werkgewer ter bevestiging dat al die Terme en Voorwaardes (T&V’s) aanvaar word. Nadat dit ‘gescan’ is, kan dit ge-epos word na extatic@ccmail.co.za of alternatiewelik gefaks word na 086 6245014.

Indien moontik, word werkgewers versoek om ’n foto te neem van die aansoeker (kandidaat) en dit aan te stuur per selfoon met sms of whatsapp na 082 8547545.

Die aansoeker kan ons daarna skakel op 082 8547545 om te bevestig dat die aansoek ontvang is.’n Verwysingsnommer word deur ons aan die aansoek registrasie gekoppel wat in alle verdere korrespondensie gebruik sal word.

Die verwysings-nommer moet op die inbetaling strokie aangedui word wanneer die in-betaling van R400/kandidaat in die FNB bankrekening (Direk of per EFT) gemaak word. Sodra die inbetaling van die registrasie fooi bevestig is, is die aansoek volledig.

Bank besonderhede: EXTATIC Pty LTD

FNB Tjek rekening: 62 5881 62223

Tak: 252445 (Menlyn Square).

Ons ontvang verskeie aansoeke en wil belangstellendes dus aanspoor om so gou moontlik die aansoekvorm te voltooi en in te gee, ten einde teleurstelling te voorkom!

U is ook welkom om u besigheids-logo per epos deur te stuur – sodat dit op ons Facebook blad kan verskyn en u die maksimum reklame-waarde uit die kompetisie kan kry. Die webwerfe sal binnekort ook aangeskakel word.

Voel asb welkom om ons te enige tyd te skakel op 082 8547545 indien u enige verdere inligting verlang.

Vriendelike groete.

Anton Barkhuizen

EXTATIC

082 8547545

Epos: extatic@ccmail.co.za

Fax2Mail: 086 6245014

KLIK HIER VIR KOMMENTAAR: seker7seker@gmail.com

Klik 'n Blog oop: VIR DOODGEWONE VROUE

MARETHA Maartens ,

VROUEDAG 2016

VIR DOODGEWONE VROUE

STEMDAG 2016: dit was bitterlik, bitterlik koud.

Voor ons in die ry was daar ‘n vrou wat jaffels en kerrie en rys wou verkoop. Haar twee kinders moes daarmee in die rye rondgaan.

Die seuntjie het skaam-skaam teruggekom: Mamma, hulle wil nie koop nie.

Hou aan, het sy gesê. En vir haar man: ons moet vir hulle baadjies gaan haal. Hulle kry koud.

Die storie het uitgekom: Albei is in ‘n skool vir kinders met leergestremdheid. Die seuntjie het ‘n hartdefek. Het reeds twee skedeloperasies ondergaan. Hy kry epileptiese aanvalle. Dit gaan sleg op skool: die werk is vir hom te moeilik. Hulle verkoop jaffels en kerrie om die kinders se busgeld te kan verhaal, want dis ‘n duur storie.

Ken jy of is jy:-

Die vrou met ’n baba in ‘n stootwaentjie in die koue, skemerwinter;
die weduwee wat alleen met gebarste pyp sukkel;
die eggenote van man met depressie of geestesongesteldheid;
die moeder van ‘n gestremde kind;
die vrou van man wat sy geestelike passie verloor het en om haar rant en rave;
die vrou van ‘n boer wat deur droogte geknak is.
‘n kinderlose vrou, vrou wat deur miskraam of dood getref is.
daardie vou wat jare laas nuwe skoene, klere, iets wat lekker ruik vir haarself gekoop het;
Daardie vrou wat in die reuk van drank en braaksel moet voortgaan?

Ek wil vir jou iets lees wat die HERE 500 jaar vC vir Israel gesê het. Dit is ook vir jou bedoel.

Waarom sê jy dan, Jakob, waarom kla jy, Israel: "Die Here sien nie raak wat van my word nie, my reg gaan by my God verby"? Weet jy dan nie, het jy nog nie gehoor nie? Die Here is die ewige God, Skepper van die hele aarde. Hy word nie moeg nie, Hy raak nie afgemat nie en sy insig is ondeurgrondelik.

Hy gee die vermoeides krag, Hy versterk dié wat nie meer kan nie. Selfs jongmanne (Beslis ook raakvattervroue!) word moeg en raak afgemat, selfs manne in hulle fleur struikel en val, maar dié wat op die Here vertrou, kry nuwe krag. Hulle vlieg met arendsvlerke, hulle hardloop en word nie moeg nie, hulle loop en raak nie afgemat nie. — Jes 40: 27-31.

In Christus is elke woord aan elke Israeliet in die tyd van Jesaja vir jou, vrou van 2016, bedoel. Want:

Die Seun is die beeld van God, van God wat self nie gesien kan word nie. Die Seun is die Eerste, verhewe bo die hele skepping. God het deur Hom alles geskep wat in die hemel en op die aarde is: alles wat gesien kan word en alles wat nie gesien kan word nie, konings, heersers, maghebbers, gesagvoerders. Alles is deur Hom en vir Hom geskep.

Voor alles was Hy al daar, en deur Hom bly alles in stand. Hy is die hoof van die liggaam, van die kerk. Hy is die oorsprong daarvan, Hy is die Eerste, die Een wat uit die dood opgestaan het, sodat Hy die eerste plek in die heelal inneem. God het besluit om met sy volle wese in Hom te woon en om deur Hom alles met Homself te versoen. — Kol 1:15-20.

Kol 2:9-10: In Hom is die volle wese van God beliggaam, en in verbondenheid met Hom deel julle in sy volheid. Hy is die hoof oor elke mag en gesag.

As Jesus sigbaar langs jou kom staan het, vrou wat jaffels in die ry verkoop, vrou wat die stootwaentjie in die skemeroggend stoot, gewone vrou wat pas weer geklap of verbaal mishandel is, verkragte vrou, hoe sou sy oë gelyk het?

So lyk sy oë vandag vir jou. Hy het gesê:

Ek sal die Vader vra, en Hy sal vir julle 'n ander Voorspraak stuur om vir ewig by julle te wees, Joh 14:17 naamlik die Gees van die waarheid. Die wêreld kan Hom nie ontvang nie, omdat hulle Hom nie sien en Hom nie ken nie. Maar julle ken Hom, omdat Hy by julle bly en in julle sal wees. Ek sal julle nie as weeskinders agterlaat nie; Ek kom weer na julle toe. Nog net 'n klein rukkie, en dan sien die wêreld My nie meer nie, maar julle sien My, omdat Ek lewe en julle sal lewe. — Joh 14:16-19.

Hy het gesê: En onthou: Ek is by julle al die dae tot die voleinding van die wêreld." –Matt 28:20.

Amit Kalantri het iewers geskryf:

“Statements of ordinary people are ignored like poor freebies, statements of great people are accepted like profound philosophy.”

En Judith Guest skryf in Ordinary People: “People use people according to their own needs. Or don't use them. When a primary need is one of safety.”

Hy wat veiligheid bied, Hy in Wie slegs waarheid, genade, lig en liefde is, is hier vir jou. Hy is by jou. Jesus Christus is op Vrouedag 2016 by jou, elke sekonde, elke oomblik. En Hy het jou lief tot in alle ewigheid.

KLIK HIER VIR KOMMENTAAR: seker7seker@gmail.com

Klik 'n Blog oop: VIR DOODGEWONE VROUE

MARETHA Maartens ,

VROUEDAG 2016

VIR DOODGEWONE VROUE

?STEMDAG 2016: dit was bitterlik, bitterlik koud.

Voor ons in die ry was daar ‘n vrou wat jaffels en kerrie en rys wou verkoop. Haar twee kinders moes daarmee in die rye rondgaan.

Die seuntjie het skaam-skaam teruggekom: Mamma, hulle wil nie koop nie.

Hou aan, het sy gesê. En vir haar man: ons moet vir hulle baadjies gaan haal. Hulle kry koud.

Ken jy of is jy:-

Die vrou met ’n baba in ‘n stootwaentjie in die koue, skemerwinter;
die weduwee wat alleen met gebarste pyp sukkel;
die eggenote van man met depressie of geestesongesteldheid;
die moeder van ‘n gestremde kind;
die vrou van man wat sy geestelike passie verloor het en om haar rant en rave;
die vrou van ‘n boer wat deur droogte geknak is.
‘n kinderlose vrou, vrou wat deur miskraam of dood getref is.
daardie vou wat jare laas nuwe skoene, klere, iets wat lekker ruik vir haarself gekoop het;
Daardie vrou wat in die reuk van drank en braaksel moet voortgaan?

Ek wil vir jou iets lees wat die HERE 500 jaar vC vir Israel gesê het. Dit is ook vir jou bedoel.

In Christus is elke woord aan elke Israeliet in die tyd van Jesaja vir jou, vrou van 2016, bedoel. Want:

Kol 2:9-10: In Hom is die volle wese van God beliggaam, en in verbondenheid met Hom deel julle in sy volheid. Hy is die hoof oor elke mag en gesag.

So lyk sy oë vandag vir jou. Hy het gesê:

Hy het gesê: En onthou: Ek is by julle al die dae tot die voleinding van die wêreld." –Matt 28:20.

Amit Kalantri het iewers geskryf:

“Statements of ordinary people are ignored like poor freebies, statements of great people are accepted like profound philosophy.”

En Judith Guest skryf in Ordinary People: “People use people according to their own needs. Or don't use them. When a primary need is one of safety.”

KLIK HIER VIR KOMMENTAAR: seker7seker@gmail.com

Klik 'n Blog oop: WAAR IS DIT LEKKER?

MARETHA Maartens ,

Waar is dit lekker?

In die middel van die winter, op die kakievlaktes van die Vrystaat, dring die besef toe tot ons deur: lekker is altyd waar dit lekker is.

Lekker is kompleet en volkome, sonder maar's.

Lekker kan Stockholm of 'n warm bed wees. Lekker kan 'n warm stort of Lalibela in Ethiopië wees. Lekker is volkome en perfek wanneer jy besef wat jy doen en wat jy beleef, is lekker.

Daar is geen kompetisie en eintlik geen rangorde in lekker nie. Lekker op die vlaktes langs die N1 naby Springfontein is presies so lekker soos die lekkerte om bo vanuit die Eifeltoring oor Parys te kyk. Lekker groentesop by jou gasstofie met die kastrolletjie daarop agter in die Toyota se bak is net so lekker soos warm groentesop in 'n kafee in diepwinter in Berlyn.

'n Lekker stap in wintergras op die wye vlaktes is net so lekker soos 'n la-a-a-a-ang stap in die strate en stegies van Amsterdam.

Lekker is lekker, en die vreugde van sekere oomblikke is altyd bo-aan die lys van baie, baie lekkertes, almal onverdiende voorregte .

Lekker is daardie goeie oomblikke wanneer jy besef: ek beleef die goeie.

Vreugde is daardie oomblikke wanneer jy besef: die Here is goed vir my.

KLIK HIER VIR KOMMENTAAR: seker7seker@gmail.com

Klik 'n Blog oop: My vriendin Nellie

MARETHA Maartens ,

My vriendin Nellie

Ons het haar lewe Saterdag vir oulaas saam deurdink, in oëenskou geneem, deurgepraat.

Mens doen dit mos later so stuk-stuk, nooit regtig so gefokus nie.

Ek was bevoorreg om 'n huldewoord oor my vriendin Nellie te kon opstel, vanuit die perspektief van vriende, en vanuit die perspektief van haar gesin.

So 'n nalenskap begeer ek. Vir wat God in 'n mens se lewe kan doen, eer ek Hom!

?Hulde aan Nellie de Beer

Hoe maklik en watter eer en voorreg is dit om vandag, op hierdie onplesierige, koue dag op die stukkie aarde waar ons woon en werk en spore laat, by Nellie de Beer se voetspore te mag staan en vir elkeen wat hier aanwesig is, te mag sê: Kyk, haar spore. Kyk, haar nalatenskap. Kyk, Nellie de Beer se onuitwisbare lewenspore, haar geloofspad.

Eers iets oor ons ander, en wat Nellie vir ons beteken het

Van ons het saam Nellie Sondagskoolpiekniek gehou en op matrasse op 'n Kerksaalvloer in Jeffreysbaai geslaap. Ons het saam met haar kosmos gepluk vir ‘n onverwagse kosmostroue. In die NG gemeente Noordhoek het Nellie saam met my Kinderkrans gehou, deel van die Vroue-Bybelstudiegroep uitgemaak, aktief meegeleef en saam gesels. Hoe indringend en eg was Nellie se vrae en opmerkings oor die Skrif nie!

Nellie en ek en Annatjie Heunis het saam diep in die nag hallelujaliede en psalms gesing terwyl ons in die donker huiswaarts ry, Annatjie en Nellie by sulke geleenthede my dierbare metgeselle op ver paaie. Soos vir baie ander, was Nellie vir my in moeilike tye 'n dra-mekaar-se-laste sussie in die geloof.

Elkeen vir wie Nellie in watter fase van hulle lewe ook al ‘n vriendin was, kan getuig dat haar vriendskap nooit ‘n mooiweersvriendskap was nie. Dat Nellie se vriendskap op sy warmste in haar eie en in ons ander se wintertye was. Want toe ons nog saam in Noordhoek was, het verskeie van ons deur -8 grade Celcius wintersnagte gegaan. Nellie was daar; ons het saam as vroue van geloof gebid, en ons het almal anderkant uitgekom: gelouter, dankbaar, sterk en nederig.

Ons ander, huisgenote van die geloof, is geseën en met vrede vervul, geïnspireer en versterk deur die vrugte van die Gees in Nellie: haar joy, haar wysheid, haar kalmte van gees, haar vergewensgesindheid, haar liefde, vrede, geduld, vriendelikheid, goedhartigheid, getrouheid, nederigheid en selfbeheersing. Van die vrug van die Gees in Gal 5:22 het nie een ontbreek nie.

Ons het die diepte van Nellie de Beer se geloof, volharding en trou aan Karel en kerk en kinders en kleinkinders veral tydens ons gemeentekampe leer ken. Vir ons as vroue was dit staptyd, laatnagkuiertyd, praattyd. Ek onthou hoe ons keer op keer tydens sulke geleenthede hande gevat en ons gebede opgestuur het na die hemel: hoog in die berge by Blydepoort, in die kerksaal by Jeffreys, terwyl dit buite reën en ons weet die kosmaakgeriewe is maar eina.

Ons vriendin Nellie het die suikerkunsmodel van die kerkgebou van Noordhoek geskep en in die voorportaal geplaas. Sy het nat van die sweet in Noordhoek se skoustalletjie gewerkEk dink dis Nellie wat gesê het as iemand in sy onbekeerlikheid voortgaan, moet ons hom net bring tot waar ons kerrie kook en tjips maak en aartappels skil. Dan kry die een met die onbekeerlike hart 'n voorsmakie van die hel.

Op Nellie se 80e verjaardag het ek namens baie vir haar gesê: “Jy is van kuns en fynheid, van keurigheid en kreatiwiteit aanmekaargesit, liewe Nellie. Niemand van ons kon soveel lieflike dinge met ons hande maak nie. Niemand kon so met versiersuiker en marzipan toor soos jy nie.”

Nellie, die karaktervormer

Maar daar was nog veel méér, daar was soveel aan Nellie wat die oog van mense nie gesien en die baie ore van die lidmate nie gehoor het nie, veral in gesinsverbanbd.

Daar was Nellie se innige liefde vir elkeen van haar en Karel se kinders. Daar was haar 24/7 besorgdheid oor Marlene. Daar was iets in Nellie wat haar haar eie lewe vir haar kinders en kleinkinders sou laat aflê, wat sy in werklikheid dikwels, dikwels, gedoen het.

Nellie was ‘n bidder gewees, die soort eggenote, ma en ouma wie se elmboë duike in die matras gemaak het. Daar waar die duike gelaat is, was Nellie se knielplek. Sy het haar kinders en kleinkinders na die Here gelei, en HOM daar waar sy gekniel het, gevra om deur sy Gees en Woord in elkeen van hulle se lewe te werk, sodat hulle tot in alle ewigheid nooit verlore sou gaan nie, en sodat hulle lewe, hulle voorregte, hulle swaarkry, hulle Godgegewe gawes nie vermors en verspil sou word nie.

Nellie het oor integriteit, eerbaarheid, karakter en ‘n lewe volgens die wil van God met haar kinders en kleinkinders gepraat. Maar sy het meer gedoen as praat: sy het integriteit, eerbaarheid, karakter — ‘n lewe in die Lig— by hulle, voor hulle en in haar verhouding met haar gesin en ander geleef. Sy het ‘n lewe van vrede met God, oorwinning oor persoonlike aanslae wat haar kon vernietig het, vergifnis, erbarming en huwelikstrou bly leef.

Wanneer ‘n mens jou oë oor ‘n hele familie van vreugdemense, ‘n nageslag van integriteit en karakter laat gaan, sien jy wat ‘n een ma vir die een geslag na die ander doen. Lieflike eienskappe, die keuse vir God, die integriteit en eerbaarheid in Nellie de Beer se nageslag het nie soos vere in die lug rondgewaai, sodat sommige van Nellie se nasate dit kon gryp nie. Nellie het die beginsels van die Skrif, die joy en blydskap in Christus, die krag van geloof en vergifnis en volharding, in elkeen van haar kinders ingebeitel. Nellie het haar kinders in die sagte kombers van liefde toegevou. Sy het elkeen van hulle as mens liefgehad asof daar nie ander was nie. Sy was streng en sy was pret, sy was prakties en idealisties, sy was briljant en nederig, netjies en sober, eerbaar en Godvrugtig.

Dit was haar geskenk aan haar nageslag: Godsvrug, integriteit, karakter, joy, vergifnis, volharding, ambisie, vrede.

Weet julle wat, Karel en Nellie se nageslag? Julle ma en ouma het julle gebeitel tot mense vir wie daar ‘n toekoms is, ‘n verwagting, werk en respek. Saam met elkeen van julle eer ons haar nagedagtenis en sê ons:

Vader in die hemel, ons dank U vir die rukkie wat Nellie de Beer hier saam met ons op die aarde kon wees. Dankie dat sy nou by U is, dat sy ingegaan het in die vreugde van haar Heer. Dankie, Here, vir ‘n vrou van die Lig, en dat ons haar kon geken het.

KLIK HIER VIR KOMMENTAAR: seker7seker@gmail.com

Klik 'n Blog oop: UITGEBLOKKEER

MARETHA Maartens ,

Uitgeblokkeer

So sit ek vanoggend toe ernstig oor die drie soorte versoekings in my lewe en dink. Natuurlik is hulle almal daar: wat my Meester getref het, sal my ook tref.

Partykeer, weet ek, het ek beswaarlik tyd om te dink. Middagete moet gekook word, die manuskrip moet klaar kom, die wasgoed moet afgehaal word, Hennie se hemp moet gestryk word, Mathata kom sit vir my met groen oë en kyk, dáárdie kyk. Hy is 17 jaar oud en kry sy eie rug nie meer behoorlik gelek nie. Ek moet sy ou rug vir hom borsel: hy is gek daarna, verslaaf aan die borselsessies.

Hoe skreiend waar is CS Lewis se gevolgtrekking in The Screwtape Letters nie:

“Whatever their bodies do affects their souls. It is funny how mortals always picture us as putting things into their minds: in reality our best work is done by keeping things out...”

Just keep things out of her mind. Moenie ruimte laat vir nadink oor wat nagelaat word nie. Moenie ruimte laat vir genoeg tyd met die Here nie. Vul haar gees en gedagtes, menswees en dae met kommer oor inkomste, eie planne, Mathata se behoeftes, sperdatums, aanbrandreuke, ‘n slang of twee in die huis, gedagtes aan gras sny, slap grensdrade, enigiets.

Soms hoef die Bose niks in ons gedagtes en gees in te forseer nie. Hy moet net die beste daar uithou.

“When Jesus was tempted, He didn’t debate the devil. He quoted Scripture: “It is written . . . It is written . . . It is written” (Matthew 4:4–10 NKJV). And each time the devil was defeated.”

Here, daar staan geskryf: Soek eers die Koninkryk van God en sy geregtigheid. Vul my gees en gedagtes met u wil. En reinig my van wat reeds in my gees en gedagtes is.

KLIK HIER VIR KOMMENTAAR: seker7seker@gmail.com

Klik 'n Blog oop: DIE SPANDEER-BESLUIT

MARETHA Maartens ,

Die spandeer-besluit

Ek het opnuut besluit om al die krane oop te draai, om te spandeer. Die lewe is erg, dit gaan erger word, en ek wil en gaan spandeer.

Soms vergeet ek hoe baie ek moet spandeer, hoe ek tot die einde van my lewe nie mag besnoei nie.

Ja, Hennie en ek besnoei dat dit klap en kraak: dié week tuna in plaas van dit of dat, volgende week ‘n kleiner blok kaas, want die olyfolie is op en sonder olyfolie is die kombuis leeg.

Ja, Hennie en ek maak planne om nie te bly uitgee nie. En dis lekker.

Mens kan ‘n klipmuur bou met tuisgemaakte sement:

JOU EIE SEMENT VAN POTKLEIGROND, SAND EN PERDE/BEESMIS

Een vyfliter roomysbak vol kleigrond (kwaai kleigrond, van die soort wat kleef en kliphard word):

Drie vyfliter roomysbakke vol bousand

Een en ‘n driekwart roomysbok vol fyngetrapte droë perdemis of droë beesmis.

Water om dié drie bestanddele tot sementtekstuur te meng.

‘n Wonderlike sement! Jy bou klipmure daarvan. Jy maak krake en barste daarmee toe. Agterna, as dit kurkdroog is, kan jy dit verf of afkalk.

Maar: spandeer is belangriker. Ek moet tyd in gebed spandeer. Ek moet vir my nageslag bid. Geen belegging is belangriker nie, geen spandering beter nie. In sy boek, Praying Circles around Your Children, skryf Mark Batterson:

“Just as one decision can change your destiny, so can one prayer. If you were to map out your spiritual history, you would find countless answers to prayer at key intersections along the way. Before you were even born, even named, many of you had parents and grandparents who prayed for you. At critical ages and stages, family and friends interceded on your behalf.

“Your prayers for your children are the greatest legacy you can leave.”
“I believe that every blessing, every breakthrough, every miracle traces back to the prayers that were prayed by you or for you. That infinite web of prayer crisscrosses every nation, every generation. And when God finally reveals His strange and mysterious ways, it will drop us to our knees in worship. We will thank Him for the prayers He did answer. We’ll also thank Him for the prayers He didn’t answer because we’ll finally understand why. And we’ll thank Him for the answered prayers we weren’t even aware of.”

We need people who are strong when we’re weak. We need people who are full of faith when we’re running on empty. We need people who will fight for us on their knees. We all need a prayer circle!”

“100 percent of the prayers I don’t pray won’t get answered.”

“Your prayers are prophecies. You can write the future of your family with your prayers”
“Prayer turns ordinary parents into prophets who shape the destinies of their children, grandchildren, and every generation that follows.”

Start reading the Bible, and God will start speaking. And that’s when you need to stop reading and start praying.”

En nog twee opmerkings uit die pen van Mark Batterson:

We instinctively attach an ASAP to every prayer and ask God to answer as soon as possible. We need a paradigm shift. We need to start praying ALAT prayers—as long as it takes.”

“Please listen to me, parents: you are prophets to your children. Jewish philosophers did not believe the prophetic gift was reserved for a few select individuals. They believed that becoming a prophetic was the crowning point of mental and spiritual development. It was the natural by-product of spiritual development. It was the natural by-product of spiritual development. The more one grows in grace, the more prophetic one becomes. This doesn’t mean you will start predicting the future. It means you’ll start creating it. How? Through your prayers! Prayer is the way we write the future. It’s the difference between letting things happen and making things happen.”

Here, hier is ek voor u troon. Hier is ek, en ek bid dat U U in genade (geen verdienste nie) oor ons hele nageslag sal ontferm. Dat geen enkele kind, kleinkind of familiekind buite u Koninkryk sal wees, in die duisternis sal leef en sy of haar eie pad sal loop nie.

Ek bid vir ‘n nageslag wat U vir Uself sal neem, tot u eer en verheerliking.

Dankie, Here.

KLIK HIER VIR KOMMENTAAR: seker7seker@gmail.com

Klik 'n Blog oop: Applikant

MARETHA , Maartens

Applikant

Geagte mnr. die Burgermeester

As inwoner van die stad waarvan u die gewaardeerde Burgemeester is, wil ek graag in hierdie uitdagende tyd my dienste, toewyding aan die mense van ons streek en bereidheid tot samewerking vir u en u Raadslede kom aanbied.

Soos elke inwoner van die stad waarvan u die Burgemeester is, sien ek daagliks die uitgestrekte hande, die smekende oë en die onmenswaardige bestaan van honderde werklose mense op sypaadjies, op parkeerterreine, selfs langs die paaie buite die stad. Ek sien honger en radeloosheid, koue en uitsigloosheid. Dit ruk my aan die hart.

Oor die nuus is die ontstellende toename in werkloosheid pas weer bekend gemaak.

Dit hinder my dat individue by verkeersligte staan en bedel, dat bejaardes van alle kultuurgroepe met die absolute minimum kos uit winkels kom, dat kinders honger skool toe gaan en koud slaap. Dit hinder my dat mense (wat dit kan bekostig) een-een hulle dienste in koerante of op OLX adverteer, dat hulle goedjies verkoop om net kop bo water te kan probeer hou.

Dit hinder my veral dat almal net praat, net sug, net hoop dat iemand anders iets aan die situasie sal doen.

Meneer die Burgemeester, ek wil u versoek om ‘n nuwe pos binne die raamwerk van die Munisipale gebied waarvan u burgemeester is, te skep. Noem dit iets soos MANGAUNG OFFICE FOR WORK IDEAS, akroniem MANOWI. Word so ‘n pos in TWANE geskep, noem hulle dit Tswanowi. In Ottosdal: OTOWI. In Stellenbosch: STELOWI. Ensovoorts.

Dié wat aansoek doen, in die MANOWI/STELOWI/KIMOWI (dis nou Kimberley) - pos aangestel word en die werk van dié kantoor uitbrei, lewer elke maand of kwartaal verslag aan die burgemeester en sy Raad.

Vir dié MANOWI- kantoor stel u ‘n klein span kreatiewe, praktiese mense aan wat al almal swaar gekry en met die minimum klaargekom het. Dit is hulle wat dinge doen, nie laat doen nie. Dit is hulle wat meet en pas en in geen ander styl in die werkskeppingskantoor sal werk nie.

· Die Manowi-kantoor se taak is om in hierdie moeilike ekonomies tyd dienste en produkte waaraan mense werklik behoefte het (dienste en produkte wat sal verkoop) te identifiseer. Die Manowi-kantoor se taak is dus om deeglike lewensvatbaarheidsnavorsing te doen.

· Die Manowi-kantoor se taak is om elke kwartaal met ten minste een werkskeppingsidee vir die inwoners van u stad by u aan te meld, elke idee deeglik gemotiveer en as lewensvatbare werkskeppingskonsep gemotiveer. Keur die Raad dit goed, word dié idee dan nie in die algemeen gepropageer nie, maar in samewerking met u Raad geïmplementeer.

· Die MANOWI-span (of een MANOWI-beampte) tree dan as mentor vir elke groep nuwe werkers op.

· Dit is die MANOWI (of ander stad)-kantoor se taak om die dienste en produkte in samewerking met die Raad te bemark.

Die detail kan in samewerking met u Raad uitgewerk word.

Na aanleiding van bestaande verneem ek of u bereid sal wees om ‘n halfuur in u besige program aan my/ons af te staan vir ‘n persoonlike ontmoeting oor hierdie belangrike saak?

Vriendelike groete,

Mangaunger, MM.

KLIK HIER VIR KOMMENTAAR: seker7seker@gmail.com